ਕੀ ਅਜਿਹੇ ਸਿੱਕੇ ਅਤੇ ਨੋਟ ਵੇਚ ਕੇ ਹੁੰਦੀ ਹੈ 19 ਲੱਖ ਦੀ ਕਮਾਈ? ਜਾਣੋ ਅਸਲੀ ਸੱਚ

ਦੋਸਤੋ ਤੁਸੀਂ ਅਕਸਰ ਇੰਟਰਨੈੱਟ ਉੱਤੇ ਐਡ ਦੇਖੀ ਹੋਵੇਗੀ ਕਿ ਪੁਰਾਣੇ ਸਿੱਕੇ ਜਾਂ ਪੁਰਾਣੇ ਨੋਟ ਵੇਚਕੇ ਤੁਸੀ ਲੱਖਾਂ ਰੁਪਏ ਕਮਾ ਸਕਦੇ ਹੋ। ਕਈ ਲੋਕ ਸਿੱਕੇ ਖਰੀਦਣ ਲਈ ਐਡ ਦਿੰਦੇ ਹਨ ਕਿ ਪੁਰਾਣੇ ਸਿੱਕੇ ਸਾਨੂੰ ਵੇਚ ਦਿਓ ਅਤੇ ਤੁਸੀ ਲੱਖਪਤੀ ਬਣ ਸਕਦੇ ਹੋ। ਪਰ ਅੱਜ ਅਸੀ ਤੁਹਾਨੂੰ ਇਸਦੇ ਪਿੱਛੇ ਦੀ ਅਸਲ ਸੱਚਾਈ ਦੱਸਾਂਗੇ। ਜੇਕਰ ਤੁਸੀ ਵੀ ਆਨਲਾਇਨ ਐਡ ਦੇਖ ਕੇ ਪੁਰਾਣੇ ਸਿੱਕੇ ਵੇਚਣ ਬਾਰੇ ਸੋਚ ਰਹੇ ਹੋ ਤਾਂ ਪਹਿਲਾਂ ਇਹ ਜਰੂਰ ਪੜ ਲਵੋ।

ਤੁਹਾਨੂੰ ਦੱਸ ਦੇਈਏ ਕਿ ਅੱਜ ਦੇ ਸਮੇਂ ਵਿੱਚ ਇੰਟਰਨੈੱਟ ਤੇ ਪੁਰਾਣੇ ਸਿੱਕੇ ਅਤੇ ਨੋਟ ਖਰੀਦਣ ਦੇ ਨਾਮ ‘ਤੇ ਬਹੁਤ ਜ਼ਿਆਦਾ ਠੱਗੀ ਹੋ ਰਹੀ ਹੈ। ਕਿਉਂਕਿ ਕਿ ਤੁਹਾਨੂੰ ਐਡ ਵਿੱਚ ਲਾਲਚ ਦਿੱਤਾ ਜਾਂਦਾ ਹੈ ਅਤੇ ਤੁਸੀ ਦਿੱਤੇ ਗਏ ਨੰਬਰਾਂ ਉੱਤੇ ਸੰਪਰਕ ਕਰਦੇ ਹੋ ਅਤੇ ਤੁਹਾਨੂੰ ਕਿਹਾ ਜਾਂਦਾ ਹੈ ਕਿ ਤੁਹਾਡੇ ਸਿੱਕੇ ਲੱਖਾਂ ਵਿੱਚ ਵਿਕ ਜਾਣਗੇ। ਪਰ ਅਸਲ ਵਿੱਚ ਤੁਹਾਡੇ ਨਾਲ ਬਹੁਤ ਵੱਡੀ ਠੱਗੀ ਹੋ ਸਕਦੀ ਹੈ। ਅੱਜ ਅਸੀ ਤੁਹਾਨੂੰ ਅਜਿਹੇ ਹੀ ਇੱਕ ਵਿਅਕਤੀ ਦੀ ਕਹਾਣੀ ਦੱਸਾਂਗੇ ਜਿਸਦੇ ਨਾਲ ਇਸੇ ਤਰ੍ਹਾਂ 65000 ਰੁਪਏ ਦੀ ਠੱਗੀ ਹੋਈ ਹੈ।

ਇਸ ਵਿਅਕਤੀ ਦਾ ਕਹਿਣਾ ਹੈ ਕਿ ਉਸਨੇ ਕਿਸੇ ਜਗ੍ਹਾ ਪੁਰਾਣੇ ਨੋਟ ਅਤੇ ਸਿੱਕੇ ਵੇਚਣ ਲਈ ਆਪਣਾ ਨੰਬਰ ਦਿੱਤਾ ਸੀ ਅਤੇ ਉਸਤੋਂ ਬਾਅਦ ਉਸਨੂੰ ਇੱਕ ਫੋਨ ਆਇਆ। ਉਨ੍ਹਾਂ ਨੂੰ ਫ਼ੋਨ ਉੱਤੇ ਇਹ ਕਿਹਾ ਗਿਆ ਕਿ ਉਹ ਆਪਣੀ ਬੈਂਕ ਅਕਾਉਂਟ ਡਿਟੇਲ, ਫੋਟੋ ਅਤੇ ਬੈਂਕ ਅਕਾਉਂਟ ਨਾਲ ਜੁੜਿਆ ਹੋਇਆ ਮੋਬਾਇਲ ਨੰਬਰ ਭੇਜ ਦੇਣ। ਉਨ੍ਹਾਂਨੇ ਕਿਹਾ ਕਿ ਅਸੀ ਤੁਹਾਡੇ ਤੋਂ ਪੁਰਾਣੇ ਨੋਟ ਅਤੇ ਸਿੱਕੇ ਲੈ ਜਾਵਾਂਗੇ ਅਤੇ ਤੁਹਾਡੇ ਪੈਸੇ ਤੁਹਾਡੇ ਬੈਂਕ ਅਕਾਉਂਟ ਵਿੱਚ ਪਾ ਦਿੱਤੇ ਜਾਣਗੇ।

ਇਸੇ ਤਰ੍ਹਾਂ ਉਨ੍ਹਾਂ ਤੋਂ ATM ਕਾਰਡ ਦੀ ਵੀ ਸਾਰੀ ਡਿਟੇਲ ਮੰਗੀ ਗਈ ਅਤੇ ਉਨ੍ਹਾਂਨੇ ਲਾਲਚ ਵਿੱਚ ਆਕੇ ਸਭ ਦੱਸ ਦਿੱਤਾ। ਉਸ ਤੋਂਬਾਅਦ ਉਨ੍ਹਾਂ ਦੇ ਰਜਿਸਟਰਡ ਮੋਬਾਇਲ ਨੰਬਰ ਉੱਤੇ ਜੋ OTP ਆਇਆ ਉਨ੍ਹਾਂਨੇ ਉਹ ਵੀ ਦੱਸ ਦਿੱਤਾ। ਉਨ੍ਹਾਂ ਦੇ ਅਕਾਉਂਟ ਵਿੱਚ 65000 ਰੁਪਏ ਸਨ ਅਤੇ ਉਹ ਸਾਰੇ ਕੱਢ ਲਏ ਗਏ ਅਤੇ ਉਸਤੋਂ ਬਾਅਦ ਸਿੱਕੇ ਖਰੀਦਣ ਵਾਲਿਆਂ ਦਾ ਫੋਨ ਵੀ ਬੰਦ ਹੋ ਗਿਆ। ਇਸੇ ਤਰ੍ਹਾਂ ਉਨ੍ਹਾਂ ਨਾਲ 65000 ਰੁਪਏ ਦੀ ਠੱਗੀ ਹੋਈ, ਤੁਸੀ ਵੀ ਅਜਿਹੇ ਲੁਟੇਰਿਆਂ ਤੋਂ ਬਚੋ ਅਤੇ ਆਪਣੀ ਬੈਂਕ ਅਤੇ ATM ਡਿਟੇਲ ਕਿਸੇ ਦੇ ਨਾਲ ਸ਼ੇਅਰ ਨਾ ਕਰੋ।